Yallapur | ಮೀನು ಮಾರಾಟಕ್ಕೆ ಆಕ್ಷೇಪ -ಚೀಫ್ ಆಫೀಸರ್ ರಿಂದ ಮಹಿಳೆಯರ ಮೇಲೆ ಹಲ್ಲೆ 

ಕಾರವಾರ/ಯಲ್ಲಾಪುರ :- ತಮ್ಮ ಮನೆಯ ಮುಂದೆ ಮೀನು ಹಾಗೂ ತರಕಾರಿ ಮಾರಾಟ ಮಾಡುತಿದ್ದುದಕ್ಕೆ  ವ್ಯಾಪಾರಸ್ತ ಮಹಿಳೆಯರ ಮೇಲೆ ಬೈಂದೂರು ಪಟ್ಟಣ ಪಂಚಾಯಯತ್ ಚೀಪ್ ಆಫೀಸರ್  ಹಲ್ಲೆಮಾಡಿದ ಘಟನೆ ಯಲ್ಲಾಪುರದ (yallapur)ಮಂಚಿಕೇರಿಯ ಮಾಗೋಡು ಕ್ರಾಸ್ ಬಳಿ ನಡೆದಿದ್ದು ,ಇದೀಗ ಯಲ್ಲಾಪುರ ಠಾಣೆಯಲ್ಲಿ ಆರೋಪಿ ವಿರುದ್ಧ ಪ್ರಕರಣ ದಾಖಲಾಗಿದೆ.

ಮೂಲತಹ ಯಲ್ಲಾಪುರದ ಮಂಚಿಕೇರಿಯ ನಿವಾಸಿಯಾಗಿರುವ ಅಜೇಯ್ ಬಂಡಾರಕರ್ ಭಾನುವಾರ ಮಂಚಿಕೇರಿಯ ತಮ್ಮ ನಿವಾಸಕ್ಕೆ ಬಂದಿದ್ದು ತಮ್ಮ ಮನೆ ಹಾಗೂ ದೇವಸ್ಥಾನದ ಬಳಿಯೇ ಮಹಿಳೆಯರು ರಸ್ತೆಯಲ್ಲಿ ಮೀನು ಮಾರಾಟ ಮಾಡುವುದಕ್ಕೆ ಅಕ್ಷೇಪ ವ್ಯಕ್ತಪಡಿಸಿದ್ದಾರೆ. ಈವೇಳೆ ಅಂಕೋಲದ ಬೇಲಿಕೇರಿಯ ಮೀನುಗಾರ ಮಹಿಳೆ ಸರಸ್ವತಿ ಹಾಗೂ ಮಾಗೋಡಿನ ತರಕಾರಿ ವ್ಯಾಪಾರಿ ಸೀತಲ್ ಲಂಬಾಣಿ ಜೊತೆ ಮಾತಿನ ಚಕಮಕಿ ನಡೆದಿದೆ.

ಈವೇಳೆ ಪರಸ್ಪರ ಹಲ್ಲೆ ಮಾಡಿಕೊಂಡಿದ್ದಾರೆ. ಈವೇಳೆ ಮಹಿಳೆಯರ ಮೇಲೂ ಅಧಿಕಾರಿ ಹಲ್ಲೆ ಮಾಡಿದ್ದು , ಮಾರಲು ತಂದ ಮೀನುಗಳು ಚಲ್ಲಾಪಿಲ್ಲಿಯಾಗಿ ಮಹಿಳೆಯರಿಗೆ ಗಾಯವಾಗಿದೆ. ಘಟನೆ ಸಂಬಂಧ ಸೋಮವಾರ ಯಲ್ಲಾಪುರ ಠಾಣೆಯಲ್ಲಿ ದೂರು ನೀಡಿದ್ದು ಇದೀಗ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ.