ELECTION News:- ರಾಜಕಾರಣಿಗಳು ಚುನಾವಣೆ ಬಂದಾಗ ರೋಡ್ ಶೋ ಗಳನ್ನ ಮಾಡೋದು ಸಾಮಾನ್ಯ . ಆದ್ರೆ ಇಂದು ಕಾರವಾರದಲ್ಲಿ ಮತಯಾಚನೆಗಾಗಿ ರೋಡ್ ಶೋ ಮಾಡಿದ ಕಾಂಗ್ರೆಸ್ (congress ) ಅಭ್ಯರ್ಥಿ ಅಂಜಲಿ ನಿಂಬಾಳ್ಕರ್ ಸಂಚಾರಿ ನಿಯಮ( traffic rules) ಪಾಲಿಸುವ ಮೂಲಕ ಮಾದರಿಯಾದರು.
ಹೌದು ಇಂದು ಹಮ್ಮಿಕೊಂಡಿದ್ದ ರೋಡ್ ಶೋ ನಲ್ಲಿ ಕಡ್ಡಾಯವಾಗಿ ತಲೆಗೆ ಹೆಲ್ಮೆಟ್ ಧರಿಸಿಯೇ ಸ್ಕೂಟಿ ಚಲಾಯಿಸಿದರು. ಈ ಮಾತನ್ನು ಏಕೆ ಹೇಳಬೇಕಾಯ್ತ ಎಂದರೇ ಬಹುತೇಕ ರಾಜಕಾರಣಿಗಳು ರೋಡ್ ಶೋ ಎಂದಾಗ ತಮ್ಮ ಮುಖ ಚನ್ನಾಗಿ ಕಾಣಲಿ ಎಂದು ನ್ಯಾಯಾಲಯದ ಆದೇಶವಿದ್ದರೂ ಹೆಲ್ಮೆಟ್ ( helmet) ಧರಿಸದೇ ಸಂಚಾರ ನಿಯಮವನ್ನು ಗಾಳಿಗೆ ತೂರುತ್ತಾರೆ.
ಈ ಹಿಂದ ಸಂಸದ ಅನಂತಕುಮಾರ್ ಹೆಗಡೆ ಸಹ ಬುಲೆಟ್ ನಲ್ಲಿ ರೋಡ್ ಶೋ ಮಾಡಿದಾಗ ಹೆಲ್ಮೆಟ್ ಧರಿಸದೇ ಅಂಕೋಲದಲ್ಲಿ ರೋಡ್ ಶೋ ಮಾಡಿದ್ದರು.ಆಗ ಪೊಲೀಸರು ಸಹ ಅಲ್ಲೇ ಇದ್ದರೂ ಪ್ರಕರಣ ದಾಖಲಿಸಲಿಲ್ಲ. ಹೀಗಿರುವಾಗ ಅಂಜಲಿ ನಿಂಬಾಳ್ಕರ್ ತಲೆಗೆ ಹೆಲ್ಮೆಟ್ ಧರಿಸಿಯೇ ಸ್ಕೂಟಿಯನ್ನ ಹೊಡೆದಿದ್ದು ನಿಜವಾಗಿ ಮಾಧರಿ ಎನಿಸಿದ್ದು ಬೇರೆಯವರೂ ಅರಿಯಬೇಕಾದ ಗುಣವಾಗಿದೆ.
ಇದನ್ನೂ ಓದಿ:-(ಫೋಟೋದ ಮೇಲೆ ಕ್ಲಿಕ್ ಮಾಡಿ)
ಕಾರವಾರ ನಗರದ ಮಿತ್ರ ಸಮಾಜ ಮೈದಾನದಿಂದ ಆರಂಭವಾದ ಬೈಕ್ ರ್ಯಾಲಿಯಲ್ಲಿ ಸಾವಿರಾರು ಯುವಕರು ಪಾಲ್ಗೊಂಡರು. ಯುವಕರೊಂದಿಗೆ ಕಾಂಗ್ರೆಸ್ ಅಭ್ಯರ್ಥಿ ಡಾ.ಅಂಜಲಿ ನಿಂಬಾಳ್ಕರ್ ಹಾಗೂ ಶಾಸಕ ಸತೀಶ್ ಸೈಲ್ ಕೂಡ ಬೈಕ್ನಲ್ಲಿ ಸಾಗಿ ಗಮನ ಸೆಳೆದರು.
ಮಿತ್ರ ಸಮಾಜ- ಕಾಜುಬಾಗ- ಕೋಡಿಬಾಗ ರಸ್ತೆ ಮೂಲಕ ಟೋಲ್ನಾಕಾ, ಸುಂಕೇರಿ ರಸ್ತೆ ಮೂಲಕ ಪುನಃ ಮಿತ್ರ ಸಮಾಜದಲ್ಲಿ ರ್ಯಾಲಿ ಸಮಾಪ್ತಿಗೊಂಡಿತು.