Navy | ಕನ್ನಡವಾಣಿ ವರದಿ ಫಲಶೃತಿ -ಕನ್ನಡ ನಾಮಫಲಕ ಅಳವಡಿಸಿದ ನೌಕಾದಳ

Navy news/ಕಾರವಾರ :- ಉತ್ತರ ಕನ್ನಡ ಜಿಲ್ಲೆಯ ಕಾರವಾರ(karwar) ತಾಲೂಕಿನ ಅರಗಾನಲ್ಲಿ ಇರುವ ಕದಂಬ ನೌಕಾನೆಲೆಯಲ್ಲಿ ಕನ್ನಡದ ನಾಮಫಲಕ ಅಳವಡಿಸದೇ ನಿರ್ಲಕ್ಷ ಮಾಡಲಾಗಿತ್ತು.

ಈ ಕುರಿತು ಕನ್ನಡವಾಣಿ.ನ್ಯೂಸ್ ವರದಿ ಬಿತ್ತರಿಸಿತ್ತು. ಇದಾದ ನಂತರ ವಿವಿಧ ಕನ್ನಡ ಸಂಘಟನೆಗಳು ಕನ್ನಡ ನಾಮಫಲಕವನ್ನು ಕದಂಬ ನೌಕಾನೆಲೆಯಲ್ಲಿ ಅಳವಡಿಸುವಂತೆ ಜಿಲ್ಲಾಧಿಕಾರಿ ಮೂಲಕ ಮನವಿ ಸಲ್ಲಿಸಿ ,ಉಗ್ರ ಪ್ರತಿಭಟನೆ ಎಚ್ಚರಿಕೆ ನೀಡಿದ್ದರು. ಇದರ ಫಲವಾಗಿ ಇದೀಗ ಕದಂಬ ನೌಕಾನೆಲೆಯಲ್ಲಿ ಕನ್ನಡ ನಾಮಫಲಕವನ್ನು ಮುಖ್ಯದ್ವಾರದಲ್ಲಿ ಅಳವಡಿಸುವ ಮೂಲಕ ಕನ್ನಡಿಗರಿಗೆ ಇದೀಗ ಗೌರವ ನೀಡಿದ್ದಾರೆ. ಇದನ್ನೂ ಓದಿ:-https://kannadavani.news/karwar-kadamba-naval-base-kannada-nameboard-controversy/

ಅರಗಾದ ಕದಂಬ ನೌಕಾ ನೆಲೆಯಲ್ಲಿ  ಈ ಹಿಂದೆ ಮುಖ್ಯ ದ್ವಾರ ನಿರ್ಮಿಸಿದ್ದಾಗ ಕೇವಲ ಹಿಂದಿ ಮತ್ತು ಇಂಗ್ಲೀಷ್ ಭಾಷೆಯಲ್ಲಿ ಮಾತ್ರ ನಾಮಫಲಕ ಅಶವಡಿಕೆ ಮಾಡಲಾಗಿತ್ತು. ಪ್ರತಿ ಬಾರಿ ಕನ್ನಡಿಗರನ್ನ ನಿರ್ಲಕ್ಷ ಮಾಡುವ ಕಾರವಾರದ ಕದಂಬ ನೌಕಾನೆಲೆ ನಾಮಫಲಕ ಹಾಕುವುದರಲ್ಲೂ ನಿರ್ಲಕ್ಷ ತೋರಿತ್ತು. ಇದರ ಬೆನ್ನಲ್ಲೇ ಇದೀಗ ನಾಮಫಲಕ ಅಳವಡಿಕೆ ಮಾಡಿದೆ.