Siddapur | ಸೈಡ್ ಕೊಡಲಿಲ್ಲ ಎಂದು ಬಸ್ ಅಡ್ಡಗಟ್ಟಿ ಚಾಲಕ ,ನಿರ್ವಾಹನ ಮೇಲೆ ಹಲ್ಲೆ -ಪ್ರಕರಣ ದಾಖಲು

Siddapur /ಕಾರವಾರ :-ತಮ್ಮ ವಾಹನಕ್ಕೆ  ಕೆ.ಎಸ್.ಆರ್.ಟಿಸಿ ಬಸ್ ಸೈಡ್ ಕೊಡಲಿಲ್ಲ ಎಂದು ಬಸ್ ಅಡ್ಡಗಟ್ಟಿ ಚಾಲಕ, ನಿರ್ವಾಹಕ ನ ಮೇಲೆ ಹಲ್ಲೆ ನಡೆಸುವ ಜೊತೆ ಬಸ್ ನ ಗಾಜನ್ನ ಒಡೆದು ಮೂರು ಜನ ಯುವಕರು ಗಲಾಟೆ ನಡೆಸಿದ ಘಟನೆ ಉತ್ತರ ಕನ್ನಡ ಜಿಲ್ಲೆಯ ಸಿದ್ದಾಪುರ (siddapur)ತಾಲೂಕಿನ ನಾಣಿಕಟ್ಟಾ ಬಳಿ ನಡೆದಿದೆ. ಇದನ್ನೂ ಓದಿ:-Siddapur | ಐಗೋಡು ರಕ್ಷಿತ ಅರಣ್ಯದಲ್ಲಿ ಬಲಿನೀಡಿ ವಾಮಾಚಾರ! ಶೋಧಕ್ಕಿಳಿದ ಸಿದ್ದಾಪುರ ಪೊಲೀಸರಿಗೆ ಸಿಕ್ಕಿದ್ದೇನು?

ಸಿದ್ದಾಪುರದಿಂದ ಶಿರಸಿಗೆ ತೆರಳುತಿದ್ದ ಬಸ್ , ಶಿರಸಿಗೆ ತೆರಳುತಿದ್ದ ಮೂರು ಜನ ಯುವಕರಿದ್ದ ಓಮಿನಿಗೆ ಹಾರನ್ ಮಾಡಿದರೂ ಸೈಡ್ ಕೊಡಲಿಲ್ಲ ಎಂದು ಕುಪಿತರಾದ ಯುವಕರು ಶಿರಸಿಗೆ ತೆರಳುತಿದ್ದ ಬಸ್ ಅನ್ನು ಅಡ್ಡಗಟ್ಟಿ ಬಸ್ ನ ಗಾಜು ಒಡೆದು ನಂತರ ಚಾಲಕ,ನಿರ್ವಾಹಕರ ಮೇಲೆ ಹಲ್ಲೆ ನಡೆಸಿದ್ದಾರೆ. ಇನ್ನು ಹಲ್ಲೆ ನಡೆಸಿದವರು ಶಿರಸಿ ನಗರದ ಮರಾಟಿಕೊಪ್ಪದ ಯುವಕರು ಎಂದು ತಿಳಿದು ಬಂದಿದ್ದು ,ಘಟನೆ ಸಂಬಂಧ ಸಿದ್ದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ,ಯುವಕರಿಗಾಗಿ ಶೋಧ ನಡೆಸಲಾಗುತ್ತಿದೆ.