ವರದಿ:-ಗುರು ಸಾಗರ.
Sagar :- ಶಿವಮೊಗ್ಗ ಜಿಲ್ಲೆಯ ಸಾಗರ ತಾಲೂಕಿನ ಬಂದಗದ್ದೆಯಲ್ಲಿ ವಿಜಯ ದಶಮಿ ನಿಮಿತ್ತ ಕೆಳದಿ ಅರಸರ ಕಾಲದ ಅಪರೂಪದ ಪಚ್ಚೆ ಲಿಂಗವನ್ನು ಭಕ್ತರಿಗೆ ದರ್ಶನಕ್ಕೆ ಇಡಲಾಯಿತು. ಏನದರ ವಿಶೇಷ ಯಾವಾಗ ದರ್ಶನ ಭಾಗ್ಯ ಸಿಗಲಿದೆ ಇದರ ಇತಿಹಾಸ ಏನು ? ಈ ಕುರಿತು ಒಂದು ವಿಶೇಷ ಲೇಖನ ಇಲ್ಲಿದೆ. ಇದರ ವಿಡಿಯೋ ಸುದ್ದಿಯ ಕೊನೆಯಭಾಗದಲ್ಲಿ ನೋಡಿ.ಕೆಳದಿ (keldi)ಸಂಸ್ಥಾನದ ಐತಿಹಾಸಿಕ ಪಚ್ಚೆಲಿಂಗ ದರ್ಶನ: ವರ್ಷಕ್ಕೊಮ್ಮೆ ಭಕ್ತರಿಗೆ ಅಪರೂಪದ ಅವಕಾಶ
ಶಿವಮೊಗ್ಗ ಜಿಲ್ಲೆಯ ಸಾಗರ ತಾಲೂಕಿನ ಕೆಳದಿ ಬಂದಗದ್ದೆ ರಾಜಗುರು ಹಿರೇಮಠದಲ್ಲಿರುವ ಪಚ್ಚೆಲಿಂಗವು ಧಾರ್ಮಿಕ ಹಾಗೂ ಐತಿಹಾಸಿಕ ಮಹತ್ವ ಹೊಂದಿದೆ. ಪ್ರತಿವರ್ಷ ವಿಜಯದಶಮಿ ಸಂದರ್ಭದಲ್ಲಿ ಇಲ್ಲಿ ಪಚ್ಚೆಲಿಂಗ ದರ್ಶನ ಮತ್ತು ಧರ್ಮಸಭೆ ಆಯೋಜಿಸಲಾಗುತ್ತಿದ್ದು, ಭಕ್ತರು ಶ್ರದ್ಧಾಭಕ್ತಿಯಿಂದ ಪಾಲ್ಗೊಳ್ಳುತ್ತಾರೆ.( ವಿಡಿಯೋ ನೋಡಲು ಸುದ್ದಿಯ ಕೆಳಗೆ ನೋಡಿ)
ಕೆಳದಿ ಅರಸರ ಕಾಲದ ಪರಂಪರೆ.
ಕೆಳದಿ ನಾಯಕರ ಆಡಳಿತದೊಂದಿಗೆ ನಂಟು ಹೊಂದಿರುವ ರಾಜಗುರು ಹಿರೇಮಠವು ಧಾರ್ಮಿಕ ಪರಂಪರೆಯನ್ನು ಉಳಿಸಿಕೊಂಡು ಬಂದಿದೆ. ಮಠದಲ್ಲಿ ನಡೆಯುವ ಪಚ್ಚೆಲಿಂಗ ದರ್ಶನವು ಈ ಭಾಗದ ಪ್ರಮುಖ ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಒಂದಾಗಿದೆ. ಇದನ್ನೂ ಓದಿ:-Sagar| ಲಾಡ್ಜ್ ನಲ್ಲಿ ಯುವತಿ-ಯುವಕರ ಗಾಂಜಾ ಸೇವನೆ-ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದವರ ವಿರುದ್ಧ ಕೇಸ್.
ಪ್ರತಿವರ್ಷ ಮಠದಲ್ಲಿ ವಿಜಯದಶಮಿ ಸಂದರ್ಭದಲ್ಲಿ ಭಕ್ತರಿಗೆ ಪಚ್ಚೆಲಿಂಗ ದರ್ಶನದ ವ್ಯವಸ್ಥೆ ಮಾಡಲಾಗುತ್ತಿದೆ. ಈ ಸಂದರ್ಭದಲ್ಲಿ ಧಾರ್ಮಿಕ ಕಾರ್ಯಕ್ರಮಗಳು ಹಾಗೂ ಧರ್ಮಸಭೆಯೂ ನಡೆಯುತ್ತವೆ.
ಭಕ್ತರಿಗೆ ವಿಶೇಷ ದರ್ಶನ
ವಿಜಯದಶಮಿ ಸಂದರ್ಭದಲ್ಲಿ ನಡೆಯುವ ಪಚ್ಚೆಲಿಂಗ ದರ್ಶನಕ್ಕೆ ಸ್ಥಳೀಯರು ಸೇರಿದಂತೆ ವಿವಿಧ ಭಾಗಗಳ ಭಕ್ತರು ಆಗಮಿಸುತ್ತಾರೆ. ಮಠದ ಸ್ವಾಮೀಜಿಗಳು ಧಾರ್ಮಿಕ ಪರಂಪರೆ, ಸಂಸ್ಕೃತಿ ಮತ್ತು ಸಂಸ್ಕಾರಗಳ ಮಹತ್ವವನ್ನು ಸಾರುತ್ತಾರೆ.Sagar |ದಸರಾಗೆ ಶೋರೂಂನಿಂದ ಖರೀದಿಸಿದ ಹೊಸ ವ್ಯಾನ್‌ನಿಂದ ಅಪಘಾತ| ಇಬ್ಬರು ಬೈಕ್ ಸವಾರರಿಗೆ ಗಂಭೀರ ಗಾಯ
ಪಚ್ಚೆಲಿಂಗದ ನಿಖರವಾದ ಪ್ರಾಚೀನತೆ, ಅದರ ಮೂಲ ಮತ್ತು ರತ್ನದ ವೈಜ್ಞಾನಿಕ ಗುರುತಿನ ಕುರಿತು ಅಧಿಕೃತ ದಾಖಲೆಗಳ ಮೂಲಕ ಹೆಚ್ಚಿನ ಮಾಹಿತಿ ದೃಢಪಡಿಸಬೇಕಿದೆ. ಆದರೂ ಕೆಳದಿ ಭಾಗದ ಧಾರ್ಮಿಕ ಪರಂಪರೆಯಲ್ಲಿ ಪಚ್ಚೆಲಿಂಗ ದರ್ಶನವು ವಿಶೇಷ ಸ್ಥಾನ ಪಡೆದಿದೆ.
ಕೆಳದಿ ಸಂಸ್ಥಾನದ ಪಚ್ಚೆಲಿಂಗವು ಇತಿಹಾಸ ಪ್ರಸಿದ್ಧ ಕೆಳದಿ ರಾಜವಂಶಕ್ಕೆ ಸೇರಿದ ಒಂದು ಅತ್ಯಂತ ಪವಿತ್ರ ಹಾಗೂ ಅಪರೂಪದ ಐತಿಹಾಸಿಕ ಶಿವಲಿಂಗವಾಗಿದೆ. ಈ ಅಪರೂಪದ ಪಚ್ಚೆಲಿಂಗವನ್ನು ಕೆಳದಿ ಸಂಸ್ಥಾನದ ಶ್ರೇಷ್ಠ ಹಾಗೂ ವೀರ ರಾಣಿಯಾದ ಕೆಳದಿ ಚೆನ್ನಮ್ಮ ಅವರು ತಮ್ಮ ಕಾಲದಲ್ಲಿ ಮಠದ ಪೂರ್ವಜರಿಗೆ ನೀಡಿದ್ದರು ಎಂದು ಇತಿಹಾಸ ಹೇಳುತ್ತದೆ.Shivamogga | ಶಿವಮೊಗ್ಗ ಜಿಲ್ಲಾ ಪಂಚಾಯಿತಿ ಕ್ಷೇತ್ರಗಳ ಮೀಸಲಾತಿ ಪ್ರಕಟ: ಆಕ್ಷೇಪಣೆ ಸಲ್ಲಿಸಲು ಅ. 19 ಕೊನೆಯ ದಿನ
ಕೆಳದಿ ಚನ್ನಮ್ಮನ ಕಾಲದಲ್ಲಿ ಈ ಮಠವು ಉನ್ನತ ಸ್ಥಿತಿಯಲ್ಲಿದ್ದು ಇಲ್ಲಿನ ಗುರುಗಳು ರಾಜಗುರುಗಳಾಗಿದ್ದರು. ಚನ್ನಮ್ಮನ ಅವಧಿಯಲ್ಲಿ ಹಲವು ಮಠಗಳಿಗೆ ವಿಶೇಷ ಚಿನ್ನಾಆಭರಣ ,ಅಮೂಲ್ಯ ವಸ್ತುಗಳನ್ನ ಕಾಣಿಕೆಯಾಗಿ ನೀಡಿದ ಕುರಿತು ಇತಿಹಾಸದಲ್ಲಿದೆ. ಅದರಲ್ಲಿ ವಿಶೇಷವಾಗಿದ್ದು ಏಕ ಶಿಲೆಯ ಪಚ್ಚೆಲಿಂಗ.
ಇದು ರಾಜಗುರು ಹಿರೇಮಠದಲ್ಲಿ ತಲೆಮಾರುಗಳಿಂದ ತಲೆಮಾರಿನ ಗುರುಗಳಿಗೆ ವರ್ಗವಾಗುತ್ತಾ ಬಂದಿದ್ದು 1993 ರಲ್ಲಿ ಮಠಾಧೀಶರ ಆಂತರಿಕ ಕಲಹದಿಂದ ಈ ಪಚ್ಚೆ ಲಿಂಗವನ್ನು ನ್ಯಾಯಾಲಯದ ಸುಪರ್ಧಿಗೆ ವಹಿಸಿ ಲಾಕರ್ ನಲ್ಲಿ ಇಡಲಾಗಿತ್ತು. ನಂತರ ಈ ಹಿಂದಿನ ಮುಖ್ಯಮಂತ್ರಿ ಯಡಿಯೂರಪ್ಪನವರ ಕಾಲದಲ್ಲಿ ಈ ಪಚ್ಚೆಲಿಂಗವನ್ನು ಲಾಕರ್ ನಿಂದ ಹೊರತಂದು ವಿಜಯದಶಮಿ ದಿನದಂದು ಮಠದಲ್ಲಿ ಸಾರ್ವಜನಿಕರಿಗೆ ವೀಕ್ಷಣೆಗೆ ಅವಕಾಶ ಮಾಡಿಕೊಡಲಾಯಿತು. ಇದೀಗ ಈ ವರ್ಷವೂ ಕೂಡ ಲಾಕರ್ ನಿಂದ ಹೊರತಂದು ವಿಜಯದಶಮಿಯ ವಿಶೇಷ ದಿನವಾದ ಇಂದು ಬಹುಕೋಟಿ ಮೌಲ್ಯದ ವಿಶೇಷ ಪಚ್ಚೆಲಿಂಗವನ್ನು ಸಾರ್ವಜನಿಕವಾಗಿ ಇಡಲಾಗಿದ್ದು ಇಂದು ಸಂಜೆ ಸೂರ್ಯಾಸ್ತದ ವರೆಗೆ ದರ್ಶನಕ್ಕೆ ಇಡಲಾಗಿದೆ.
